Իսրայելի Զինված ուժերը պատրաստ է ցանկացած սցենարի. պաշտպանության նախարար

Իսրայելի պաշտպանության նախարար Բենի Գանցը հայտարարել է, որ որ եթե Գազայի հատվածում «գործող ահաբեկչական խմբավորումները» շարունակեն հրթիռակոծել Իսրայելը, պաշտպանության նախարարությունը կորոշի դադարեցնել պաղեստինցիներին հատկացվող օգնությունը, որը կոչված է մեղմացնելու տնտեսական ճգնաժամը:

Ինչպես փոխանցում է The Jerusalem Post-ը, Գանցը հավելել է, որ Իսրայելի զինված ուժերը տեղակայված են և գործում են Արևմտյան ափում՝ Իսրայելի և Գազայի հատվածի միջև լարվածության ֆոնին:

Նախարարի խոսքով՝ Իսրայելը շահագրգռված չէ հակամարտության սրմամբ, սակայն պատրաստ է ցանկացած սցենարի: