Եղանակն՝ այսօր
Գազայի հատվածից հայտնել են իսրայելական ավիահարվածի հետևանքով աշխատանքի նախարարության շենքի ավերման մասին
Իսրայելի ռազմաօդային ուժերն ամբողջովին ավերել են Գազայի հատվածում գտնվող աշխատանքի նախարարության շենքը: Այս մասին հայտնում է «ՌԻԱ Նովոստի»-ն՝ հղում անելով պաղեստինյան անկլավի կառավարության մամուլի ծառայությանը:
Կառավարության խոսնակի հաղորդմամբ՝ իսրայելական ինքնաթիռներն առավոտյան կրակ են բացել Գազայի կենտրոնում գտնվող մի շարք շենքերի ուղղությամբ:
«Հրթիռակոծման հետևանքով աշխատանքի նախարարության շենքն ամբողջովին ավերվել է, սոցիալական զարգացման նախարարության շենքը, ինչպես նաև դրա պահեստներն ու հարակից կառույցները զգալիորեն վնասվել են»,- ասվում է մամուլի հաղորդագրության մեջ:
Իսրայելի բանակի մամուլի ծառայությունից հայտնել են, որ իրենց կործանիչը հարված է հասցրել ՀԱՄԱՍ-ի գումարտակի հրամանատարի տան ուղղությամբ:
Իրավիճակն Իսրայելի և Գազայի սահմանին սրվել է մայիսի 10-ին: Իսրայելական ոստիկանության և պաղեստինցիների միջև բախումներն Արևելյան Երուսաղեմում, որոնց համար պատճառ էր դարձել պաղեստինյան ընտանիքների վտարումը, վերաճել են պատերազմական գործողությունների:
Studio One