ԱՄՆ-ում մեղադրյալն իր դատավճռի հրապարակումից րոպեներ անց դատարանի դահլիճում ինքնասպան է եղել (լուսանկարներ)

ԱՄՆ-ի Հյուսիսային Դակոտա նահանգում մեղադրյալն իր դատավճռի հրապարակումից մի քանի րոպե անց դատարանի դահլիճում ինքնասպան է եղել, հաղորդում է New York Post-ը։

Դատարանի աշխատակից Դալաս Կարլսոնի խոսքով՝ տղամարդը, որի անունը և պատժաչափը չի նշվում, ինչ-որ սուր գործիքով կոկորդը կտրել է դատավորի, դատարանի աշխատակիցների և այլ վկաների աչքի առջև։

Ականատեսներից մեկը տեղական Valley News Live-ին պատմել է, որ «շրջվելով տեսել է՝ ինչպես է տղամարդն ինչ-որ գործիքով կտրում կոկորդը»։

Նշվում է, որ Ֆարգո քաղաքում տեղի ունեցած դեպքի առնչությամբ հետաքննություն է սկսվել։