Եղանակն՝ այսօր
Բելառուսում ձերբակալել են ընդդիմադիր խոշոր լրատվական կայքի 12 աշխատակցի
Բելառուսական խոշոր ընդդիմադիր TUT.BY լրատվական կայքի կենտրոնական գրասենյակում խուզարկություններ են իրականացվել: Այս մասին հայտնում է կայքի թելեգրամյան ալիքը:
Հաղորդվում է, որ խուզարկություն է իրականացվել կայքի գլխավոր խմբագիր Մարինա Զոլոտովայի տանը, նրան տարել են ֆինանսական հետաքննությունների վարչություն: Նշվում է, որ առավոտյան աշխատանքի եկած մյուս աշխատակիցները կապի դուրս չեն գալիս: Խմբագիրներից ոմանց տեխնիկան առգրավվել է:
Վերջին տեղեկությունների համաձայն` ձերբակալվել են կայքի գլխավոր տնօրենը, գլխավոր հաշվապահը, հաշվապահի տեղակալը, փոխտնօրենը, անձնակազմի հարցերով ղեկավարը, գլխավոր խմբագրի տեղակալը, լրագրողներից մեկը և մի քանի այլ աշխատակիցներ:
Հայտնի չէ նաև, թե որտեղ են գտնվում առավոտյան խմբագրության մոտ իրավիճակը լուսաբանելու եկած լրագրողները:
Studio One