Իրանում ծնողներն ամուսնացած չլինելու պատճառով սպանել են իրենց 47-ամյա որդուն՝ ավելի ուշ խոստովանելով նաև դստեր և փեսայի սպանությունը (լուսանկարներ, տեսանյութ)

09:47 • 20.05.21

Իրանում ծնողներն իրենց որդու հետ վիճաբանությունից հետո սպանել և մասնատել են նրա մարմինը, իրանական լրատվամիջոցներին հղումով գրում է Mirror-ը՝ նշելով, որ զոհը՝ կինոռեժիսոր Բաբակ Խորամդինը, որը 2010-ից բնակվում և մասնագիտական գործունեություն էր ծավալում Լոնդոնում, ուսանողներին դասավանդելու նպատակով վերջերս էր ժամանել Իրան։

ԶԼՄ-ները հաղորդում են, որ սպանությունը կատարվել է հոր և որդու միջև տեղի ունեցած վիճաբանությունից հետո, որի ընթացքում «հայրը որդու վրա բարկացել է 47 տարեկանում ամուսնացած չլինելու համար»։

Ոստիկանության հաղորդմամբ՝ Խորամդինի մասնատված մարմինը հայտնաբերվել է Թեհրանի արվարձանում՝ աղբի պարկերում և ճամպրուկում:

Թեհրանի քրեական դատարանի ներկայացուցիչը հայտնել է՝ հայրը, որը կնոջ հետ ձերբակալված է, խոստովանել է՝ ինքն է «դանակահարել որդուն, մասնատել նրա մարմինը և աղբարկղը նետել»։

Ընդ որում, նախօրեին կանգնելով դատարանի առջև, ռեժիսորի հայրը հայտարարել է՝ «չի զղջում իր արարքի համար»։

Հատկանշական է, որ Խորամդինի ծնողները խոստովանել են ոչ միայն իրենց որդու սպանությունը, այլև 3 տարի առաջ իրենց դստեր և 10 տարի առաջ իրենց փեսայի սպանությունը, հաղորդում են իրանական ԶԼՄ-ները։

Տեսանյութը կարող եք դիտել այստեղ։

Iranian filmmaker, 47, murdered, chopped up by parents for being unmarried A L I A on Twitter: "This person is named Babak Khorramdin, a movie actor from Tehran/Ekbatan! His father Unconscious him and then dismembered his body! After his arrest and confession, he Babak Khorramdin's parents appear in court