Իրանական գործարանում պայթյուն է որոտացել, կան տուժածներ

Իրանի Սպահան նահանգում պայթյուն է որոտացել գործարանում: Դեպքը տեղի է ունեցել մայիսի 23-ին: Հայտնի է 9 տուժածի մասին, գրում է Reuters գործակալությունը:

Ըստ որոշ հաղորդագրությունների, պայթյունը տեղի է ունեցել քիմիական գործարանում, ըստ մյուսների ՝ պիրոտեխնիկական արտադրանքի ձեռնարկությունում:

Պայթյունի պատճառները պարզվում են: Տուժածները տեղափոխվել են հիվանդանոց:

Տեղի բնակիչները սոցցանցերում հայտնում են, որ պայթյունն այնքան ուժեղ է եղել, որ գործարանի հարևանությամբ տները ցնցվել են, և մարդիկ սկզբում կարծել են, որ երկրաշարժ է եղել: