Կոնգոյում հրաբխի ժայթքման հետևանքով 15 մարդ է մահացել (տեսանյութեր)

Կոնգոյի Դեմոկրատական Հանրապետության արևելքում գտնվող Նյիրագոնգո հրաբխի ժայթքման հետևանքով 15 մարդ է մահացել, հայտնում է տեղական Actualite պորտալը:

Տեղեկությունների համաձայն՝ 9 մարդ զոհվել է Հյուսիսային Կիվու նահանգի Գոմա քաղաքից տարհանման ժամանակ տեղի ունեցած ճանապարհատրանսպորտային պատահարի հետևանքով։ Զոհերից 4-ը բանտարկյալներ են, որոնք տարհանման ժամանակ փորձել են փախուստի դիմել բանտից, իսկ մյուս երկուսն այրվել են կրակից։

Նշվում է, որ Կիվու նահանգի նահանգապետը բանակին և ազգային ոստիկանությանը կարգադրել է ապահովել Գոմա քաղաքի անվտանգությունն ու տարհանման ուղիները՝ այդ ընթացքում հանցագործություններից խուսափելու նպատակով։

Հրաբխի ժայթքման հետևանքով զգալի վնաս են կրել Գոմայի արվարձանները, որոնք մոտ են հրաբխի հյուսիսարևելյան լանջին։

Drone footage shows smoking lava from the volcanic eruption of Mount Nyiragongo in eastern Congo that has reportedly destroyed hundreds of homes. pic.twitter.com/7zWaPCHeTN

— Markets Today (@marketstodays) May 24, 2021