Ավստրալիայում վարորդը, փորձելով խուսափել կենգուրուի հետ բախումից, շեղվել է ճանապարհից և հայտնվել կոկորդիլոսներով լի ճահճում (լուսանկարներ)

Ավստրալիայի Հյուսիսային տարածքի փրկարարները փրկել են վարորդի, որը ճանապարհից շեղվել է և հայտնվել կոկորդիլոսներով լի ճահճի մեջ, գրում է The Armidale Express-ը:

Նշվում է՝ Դարվին քաղաքից 65 կիլոմետր հարավ գտնվող ճանապարհին վարորդը կորցրել է մեքենայի կառավարումը, երբ փորձել է խուսափել կենգուրուի հետ բախումից: Նա շեղվել է ճանապարհից և հայտնվել կոկորդիլոսներով լի ճահճի մեջ: Երկկենցաղներից փրկվելու համար տղամարդը բարձրացել է իր ամենագնացի տանիքին:

Ոստիկանությունը նրան գտել է կեսօրին: Փրկարարները սանդուղք են տեղադրել, որպեսզի տղամարդը կարողանա ցամաք դուրս գալ:

Տուժածին տեղափոխել են հիվանդանոց, որտեղ նա բուժզննում է անցել: