Իսպանիայում անհետ կորած համարվող տղամարդու դին հայտնաբերել են դինոզավրի հսկայական արձանում (լուսանկարներ, տեսանյութ)
Իսպանիայում անհետ կորած համարվող տղամարդու դին հայտնաբերվել է Բարսելոնայի արվարձանում` դինոզավրի արձանում, հաղորդում է Daily Mail-ը։
Նշվում է, որ ոստիկանությունը հետաքննություն է սկսել 39-ամյա տղամարդու մահվան կապակցությամբ, որը, նախնական տվյալների համաձայն, թղթազանգվածից (պապյե-մաշե) արձանի ոտքի հատվածում ընկած հեռախոսը որոնելիս ինքն է ընկել դրա մեջ և շնչահեղձ եղել։
Տղամարդու դին օրերս գտել են տեղանքում զբոսնող հայրը և որդին, որոնք շրջակայքից «տարօրինակ հոտ են առել»։
Տղամարդու ահազանգից հետո դեպքի վայր է մեկնել հրշեջ-փրկարարների երեք բրիգադ, որոնք վերամբարձ կռունկի օգնությամբ բարձրացրել են արձանը և դուրս բերել տղամարդու դին։
Տեղական ԶԼՄ-ները գրում են, որ արձանն ապամոնտաժվել է։














