«Ինչպե՞ս եք համարձակվում փողոցներում հարձակվել Աստծո բարձրագույն ճշմարտությունների արդար հոգիների վրա»․ Ջոն Վոյթը դատապարտել է ԱՄՆ-ում հրեաների վրա հարձակումները (լուսանկարներ, տեսանյութեր)

12:01 • 25.05.21

Հոլիվուդյան հայտնի դերասան Ջոն Վոյթը մեղադրել է «չմտածող լիբերալներին» և վերջին օրերին ԱՄՆ-ում հակասեմական միջադեպերի բռնկման համար Իսրայելին ուղղված նրանց քննադատությունները, հայտնում է բրիտանական Daily Mail պարբերականը և հավելում, որ անցյալ շաբաթ Գազայի ռմբակոծությունների պատճառով հրեաները պաղեստինամետ մարդկանց համար թիրախ են դարձել։

Օսկարակիր դերասանն իր սոցիալական ցանցերում հրապարակել է տեսանյութ, որում դատապարտում է Իսրայելի քննադատներին և լիիրավ աջակցություն հայտնում Իսրայելին։

Տեսանյութում, որը վերնագրված է «Հիմար մի եղեք», նշել է, որ հակասեմական դրսևորումների համար պատասխանատու են լիբերալները։

«Ես հոգնել եմ ձեզնից, «չմտածո՛ղ լիբերալներ», որ միայն հետևում և ծաղրում եք և չեք տեսնում ճշմարտությունը որն է», - ասել է դերասանը՝ Իսրայելի վիճակը համեմատելով Հոլոքոստի ժամանակ հրեաների նկատմամբ նացիստական ցեղասպանությանը։

«Հրեաները դարեր շարունակ հարձակման են ենթարկվել…ի՞նչ է ձեզ պատահել․․․ ինչպե՞ս եք համարձակվում Բևերլի Հիլզի փողոցներում հարձակվել Աստծո բարձրագույն ճշմարտությունների արդար հոգիների վրա», - ասել է Անջելինա Ջոլիի հայրը։

Հիշեցնենք, որ պաղեստինա-իսրայելական 11-օրյա մարտերի ընթացքում աշխարհի տարբեր երկրներում պաղեստինամետ ցույցեր են անցկացվել, որոնցից որոշները վերածվել են հակասեմական բողոքի ակցիաների և երբեմն նաև անկարգությունների և երկու կողմերի աջակիցների միջև բախումների։

Jon Voight, the Oscar-winning actor and vocal supporter of the Republican Party, said ¿liberal non-thinkers¿ were to blame for the rash of anti-Semitic incidents in the United States in recent daysVoight, the star of hit films like Midnight Cowboy and Coming Home, released a video on his social media on Sunday in which he is seen offering his full-fledged support for Israel while denouncing its critics. ¿Don¿t be fooled,¿ the caption of the tweet reads