Ադրբեջանական կայքերը տարածել են գերեվարված հայ զինծառայողների լուսանկարները

10:46 • 27.05.21

Ադրբեջանական կայքերում տարածվել են այսօր Գեղարքունիքի մարզի զորամասերից մեկի պահպանության տարածքում ինժեներական աշխատանքներ իրականացնելիս գերեվարված հայ զինծառայողների լուսանկարները։

Հիշեցնենք, որ ավելի վաղ ՀՀ ՊՆ-ն հայտնել էր, որ մայիսի 27-ի վաղ առավոտյան, Հայաստանի Հանրապետության Գեղարքունիքի մարզի սահմանային հատվածում, ՀՀ ԶՈՒ N զորամասի պահպանության տարածքում ինժեներական աշխատանքներ կատարելիս, ադրբեջանական զինված ուժերի զինծառայողների կողմից շրջափակվել և գերեվարվել է ՀՀ ԶՈՒ վեց զինծառայող։

Ինչպես տեղեկացնում է ՊՆ մամուլի ծառայությունը, ձեռնարկվում են անհրաժեշտ միջոցառումներ՝ գերեվարված զինծառայողներին վերադարձնելու ուղղությամբ։