Ավստրալիայում սիրահարները 13 ժամ արգելափակված են մնացել քարանձավի սառը ջերերում, երբ օվկիանոսի հսկայական ալիքը քշել-տարել է նրանց (լուսանկարներ)

13:07 • 28.05.21

Նոր Հարավային Ուելսից 2 ավստրալացի ստիպված է եղել քարանձավում գոտկատեղից ներքև 13 ժամ անցկացնել սառը ջրի մեջ այն բանից հետո, երբ օվկիանոսի հսկայական ալիքը քշել-տարել է նրանց:

Այս մասին գրում է Daily Mail-ը և նշում՝ զույգը ողջ է մնացել:

Մայիսի 25-ին 24-ամյա Ժակ Թիրմանն ու նրա 21-ամյա սիրելի Շանայ Հանթերը զբոսնելու են դուրս եկել Քեթրին Հիլ ծովափին:

Զբոսանքի ժամանակ աղջիկը կանգնել է ժայռի եզրին՝ բջջային հեռախոսով օվկիանոսը նկարելու համար: Մի քանի վայրկյան անց նրան քշել է օվկիանոսի հսկայական ալիքը: Թիրմանն անմիջապես նետվել է ջուրը՝ նրա ետևից:

Զույգը, որը վերջերս էր սկսել ժամադրվել, հաջորդ 20 րոպեները ստիպված է եղել անցկացնել փոթորկոտ օվկիանոսի ժայռերի մեջ: Ի վերջո, ավստրալացիներին հաջողվել է բարձրանալ քարանձավը, որտեղ նրանք անցկացրել են 13 ժամ՝ մինչ փրկարարները կժամանեին:

Ամբողջ ընթացքում ալիքները շարունակել են «հարվածել» նրանց, և նրանք գոտկատեղից ներքև եղել են սառը ջրի մեջ:

Հանթերի ընկերուհիներից Էշլի Քլեյը նկատել է, որ նրանք վերջին անգամ գրառում են տեղադրել սոցցանցերում, երբ լողափով քայլելիս են եղել կեսօրին՝ մոտավորապես երկուսին: Երեկոյան ութին զույգի ընկերներն ահազանգել են: Սիրահարներին փրկելու գործողությունը տևել է 4 ժամ և ավարտվել է առավոտյան 3:00-ից հետո:

Առավոտյան փրկարարները նրանց դուրս են բերել քարանձավից: Բժիշկները զննել են Թիրմանին և Հանթերին և հայտնաբերել քերծվածքներ և կտրվածքներ:

«Եթե ձեր ընկերոջը, հարազատին կամ սիրելիին օվկիանոսի ալիքները տանում են, մի՛ փորձեք հերոս լինել և նետվել նրա հետևից: Ես ձեզ խորհուրդ եմ տալիս նախ զանգահարել ոստիկանություն, այնուհետև ցատկել»,- փրկվելուց հետո իր ֆեյսբուքյան էջում գրել է Թիրմանը:

Jak Teerman, 24, (left) and new girlfriend Shanaye Hunter (right) are lucky to be alive after they spent 13 hours trapped in an ocean cave Jak Teerman paid tribute to the emergency services who rescued them, including the 'unbelievable' firefighters (pictured) The young couple were winched to safety by fire crews early Wednesday morning Fire and Rescue crews had to use ropes to send a firefighter down the 20m edge in an operation that began at 11.30pm and ended at 3am - 13 hours after the couple went into the water Firefighters had to a navigate a one-kilometre rocky path to get into the cliff to rescue the couple (pictured)