Հրաժարականներ մի՛ տվեք, համբերե՛ք. հետպատերազմյան շրջանում չունենալ ԱԳ նախարար նույնն է, ինչ պատերազմի ժամանակ չունենալ պաշտպանության նախարար. Մարուքյան (տեսանյութ)

Այսօր «Լուսավոր Հայաստան» խմբակցության ղեկավար Էդմոն Մարուքյանը ուղիղ եթերում հանդես եկավ առաջարկ-հորդորով՝ նշելով, որ մինչև արտահերթ ընտրությունների ավարտը պետական համակարգում նոր նշանակումներ չեն կարող կարող լինել և հետպատերազմյան շրջանում չունենալ ԱԳ նախարար նույնն է, ինչ պատերազմի ժամանակ չունենալ պաշտպանության նախարար:

«Ըստ էության, շատ անելիքներ ունենք արտաքին ճակատում, մեծ ցավով պետք է ասեմ, որ այսօրվա սահմանադրական կարգավորումների արդյունքում չենք կարող նշանակել ԱԳ նախարար, որը այսպիսի պայմաններում հրաժարական է գրել, իսկ Հայաստանը չի ունենա ԱԳ նախարար մինչև ընտրությունների ավարտը, երբ ձևավորվի նոր  ուժ»,- ասաց նա և հավելեց, որ հետպատերազմյան շրջանում չունենալ ԱԳ նախարար նույնն է, ինչ պատերազմի ժամանակ չունենալ պաշտպանության նախարար:

Նա հորդորեց բարձրաստիճան պաշտոնյաներին հրաժարականներ չներկայացնել:

«Կոչ եմ անում բոլոր բարձրաստիճան անձանց, նրանք, ովքեր գիշեր-ցերեկ ծառայում են հանուն ՀՀ-ի՝ անկախ քաղաքական հայացքներից և մոտեցումներից, համբերեք 3 շաբաթ, հրաժարական մի տվեք»,- նշեց նա: