Հս. Կորեայում հրամայել են Չինաստանին սահմանակից տարածքներում ոչնչացնել կատուներին և աղավնիներին

Հյուսիսային Կորեայի իշխանությունները կարգադրել են Չինաստանին սահմանակից տարածքներում ոչնչացնել կատուներին ու աղավնիներին՝ երկրում կորոնավիրուսի տարածումը կասեցնելու համար: Այդ մասին հայտնում է lenta.ru-ն` Daily NK-ին հղումով:

Պաշտոնյաների խոսքով՝  կենդանիները վիրուսը երկիր են բերում հարևան պետությունից: Նշվում է, որ Խեսան քաղաքի ընտանիքներից մեկը 20 օրով մեկուսարանում է հայտնվել, քանի որ նրանք հրաժարվել են հանձնել իրենց տնային կատուին:

Մայիսի սկզբին Հյուսիսային Կորեան նախազգուշացրել է քաղաքացիներին Հարավային Կորեայից ուղարկված քարոզչական թռուցիկների միջոցով կորոնավիրուսը վարակելու ռիսկի մասին:

ԿԺԴՀ-ում կորոնավիրուսային վարակի ոչ մի դեպք պաշտոնապես չի գրանցվել: Երկիրը բազմիցս հայտարարել է, որ իրենք արտաքին օժանդակության կարիք չունեն: