Ռուսաստանը հունիսի 2-ից կվերսկսի թռիչքները Մեծ Բրիտանիայի հետ

Կորոնավիրուսային վարակի դեմ պայքարի օպերատիվ շտաբը հաղորդում է, որ Ռուսաստանի և Մեծ Բրիտանիայի միջև կանոնավոր ուղևորատար թռիչքները կվերսկսվեն հունիսի 2-ից: Այս մասին հայտնում է RT-ն:

Նշվում է, որ «կապված Մեծ Բրիտանիայում համաճարակաբանական իրավիճակի բարելավման հետ, օպերատիվ շտաբը որոշում է կայացրել չերկարաձգել օդային հաղորդակցության դադարեցումը»:

«Հունիսի 2-ից Մոսկվա - Լոնդոն երթուղով կանոնավոր թռիչքները կվերսկսվեն շաբաթը երեք անգամ ՝ փոխադարձաբար», - հայտնում են շտաբից:

Ավելի վաղ կորոնավիրուսի տարածման դեմ պայքարի շտաբը հաղորդել էր, որ Ռուսաստանը երկարացնում է Մեծ Բրիտանիայի հետ թռիչքների դադարեցումը մինչև հունիսի 1-ը ներառյալ: