Եղանակն՝ այսօր
Պակիստանում 2 գնացքի բախումից ավելի քան 30 մարդ է զոհվել. կան տասնյակ տուժածներ (լուսանկարներ)
10:55 • 07.06.21
Հունիսի 7-ին Պակիստանի հարավում առնվազն 32 մարդ է զոհվել և 64-ը վիրավորվել երկու մարդատար երկաթուղային շարժակազմերի բախման հետևանքով: Այդ մասին հայտնել է Geo TV հեռուստաալիքը՝ վկայակոչելով ոստիկանությանը և փրկարարական բրիգադներին, տեղեկացնում է «Արմենպրես»-ը:
Ավելի վաղ The Associated Press գործակալությունը տեղեկացրել էր 25 զոհի մասին: Վթարը տեղի է ունեցել Սինդի հարավային նահանգի Գոթքի քաղաքի շրջանում: Գնացքներից մեկը դուրս է ընկել ռելսերից, ինչից հետո դրան է բախվել երկրորդ շարժակազմը:
Ոստիկանության ներկայացուցիչը հավելել է, որ տեղի բնակիչները, փրկարարները և ոստիկանությունը վիրավոր ուղևորներին և զոհվածների մարմինները տանում են մերձակա հիվանդանոցներ: Այս պահին փրկարարական գործողությունը շարունակվում Է: Պատահարի պատճառնեը չեն հայտնում:
Placeholder
Studio One