Chiron Super Sport. Buggati-ն ներկայացրել է իր 3,5 միլիոն դոլար արժողությամբ առաջին սուպեր մեքենան (լուսանկարներ)

Buggati շքեղ մեքենաների արտադրությամբ զբաղվող ընկերությունը ներկայացրել է իր նոր Chiron Super Sport մոդելը։ 

Այս մասին գրում է Daily Mail-ը, նշելով՝ սուպեր մեքենայի արժեքը գնահատվում է 3,5 միլիոն դոլար։ 

Նշվում է՝ ընկերության նոր մոդելի մեքենան հագեցած է բարելավված աերոդինամիկայով։ Միևնույն ժամանակ, այն համարվում է ամենահզոր այրման շարժիչ ունեցող ճանապարհային մեքենան, որը ներկայում հնարավոր է գնել։ 

Մեքենան ոչ պաշտոնապես համարվում է ամենաարագընթաց օրինական մեքենան, որը կարելի է վարել սովորական մայրուղու վրա։ Դրա արագությունը 1 վայրկյանում հասնում է 136 մետրի։ 

Ինչ վերաբերում է մեքենայի խմբաքանակին, ապա այն խիստ սահմանափակ է։ Նշվում է՝ գնորդներին այս սուպեր մեքենաները կսկսվեն մատակարարվել 2022 թվականին։ Այնուամենայնիվ, դրանց թիվը ողջ աշխարհում չի գերազանցի 60-ը։