Հունաստանում AstraZeneca-ով պատվաստումից հետո 40-ամյա տղամարդ է մահացել. Naftemporiki

Հունաստանում 40-ամյա ոճաբան Նասոս Կատրիսը մահացել է կորոնավիրուսի դեմ AstraZeneca պատվաստանյութի ներարկումից հետո, հայտնում է «ՌԻԱ Նովոստի» լրատվական գործակալությունը՝ հղում տալով տեղական Naftemporiki թերթին։

Տղամարդը մահացել է պատվաստումից մեկ օր անց․ նրան գտել են Աթենքի արվարձաններից մեկում գտնվող իր բնակարանում՝ մի ամբողջ օր հեռախոսազանգերին չպատասխանելուց հետո։

Մահվան հստակ պատճառները պարզվում են։

Ավելի վաղ Հունաստանի իշխանությունների կողմից հաստատվել էր պատվաստումների հետևանքով մահվան 2 դեպք։