Տարբեր վերնաշապիկների կամ գլխարկների վրա գրվում էր՝ «Ապագա կա», բայց ապագայի մասին գեթ մեկ բառ չի հնչեցվել. Աննա Գրիգորյան (տեսանյութ)

Ես հասկանում եմ, որ գործող իշխանությունը հասարակությանն ուրիշ որևէ բան առաջարկելու չուներ, քան պարզապես մեղադրանքներ հնչեցնելը: Հետաքրքրականն այն է, որ տարբեր վերնաշապիկների կամ գլխարկների վրա գրվում էր՝ «Ապագա կա», բայց ապագայի մասին գեթ մեկ բառ չի հնչեցվել, պարզապես անցյալ են գնացել, փորձել են պրպտել ինչ-որ հին դրվագներ և մանիպուլյատիվ կերպով ներկայացնել հայ ժողովրդին:

Այս մասին այսօր Tert.am-ի հետ զրույցում ասաց «Հայաստան» դաշինքի անդամ Աննա Գրիգորյանը՝ խոսելով Նիկոլ Փաշինյանի՝ քարոզարշավներին հակաքարոզչություն անելու և նախկիններին մեղադրելու մասին:

«Մենք չենք տրվել այդ սադրանքներին, մենք մեղադրանքների այդ պտույտի մեջ չենք մտել և ներկայացել ենք մեր օրակարգով, մենք ժողովրդի հետ խոսել ենք իրենց խնդիրներից, անվտանգությունից, տնտեսական զարգացումից և խոսել ենք, որ համերաշխություն ենք բերելու մեր երկրին: Իսկապես, այն երկիրը, այն ժողովուրդը, որը պառակտված է, չի կարող համախմբվել իրական թշնամու կամ իրական մարտահրավերների դեմ և, հետևաբար, մեր առաջին ուղերձն այն էր, որ մենք գալիս ենք ժողովրդին համերաշխություն և հանգստություն բերելու»,- ասաց Գրիգորյանը:

Աննա Գրիգորյանը նշեց, թե որքան էլ գործող իշխանությունները սադրեցին, միևնույն է, իրենք չմտան այդ դիսկուրսի մեջ և քարոզարշավներն իրականացրել են ժողովրդի և պետության ապագայի համար:

Մանրամասները՝ տեսանյութում։