Հնդկաստանում տղամարդը Գանգեսի ափին փայտե արկղում նորածնի է գտել (լուսանկարներ, տեսանյութ)

Հնդկաստանում նավակավարը փրկել է Ուտար Պրադեշ նահանգի Գանգես գետի ափին փայտե փակ արկղում լքված 21 օրական աղջնակին, հաղորդում է The Guardian-ը։

Գուլա Չաուդհարի խոսքով՝ երեխան, որին օրերս գտել է Գազիպուր քաղաքի մոտակարքում՝ Գանգես գետի ափին, փաթաթված է եղել կարմիր կտորի մեջ, արկղում եղել է նաև «Գանգեսի դուստր» գրությամբ հաղորդագրություն։

Պարբերականը հաղորդում է, որ նորածնին փրկելու համար տեղական իշխանությունները նրան նավակով են պարգևատրել:

Չաուդհարը հայտնել է, որ ցանկանում է մեծացնել աղջնակին, որին «սուրբ գետից ընծա» է համարում։

«Մայր Գանգեսն է ինձ ընծայել այս երեխային»,- հայտնել է տղամարդը։

ՅՈՒՆԻՍԵՖ-ի տվյալներով՝ Հնդկաստանում բնակվում է մոտ 30 մլն որբ ու լքված երեխա, որոնց ճնշող մեծամասնությունն աղջիկներ են։