Եղանակն՝ այսօր
Վրաստանում 12 մարդու են ձերբակալել ԼԳԲՏ համայնքի ներկայացուցիչների դեմ հանարահավաքի ժամանակ
Վրաստանի ՆԳՆ աշխատակիցները 12 մարդու են ձերբակալել Թբիլիսիում անցկացվող հանրահավաքի ժամանակ, որի մասնակիցները դեմ էին հանդես գալիս ԼԳԲՏ համայնքի ակտիվիստների համար վավերագրական ֆիլմի ցուցադրությանը:
«12 մարդ է ձերբակալվել: Նրանք բոլորը վարչական կալանքի տակ են գտնվում՝ 166 (մանր խուլիգանություն) և 173 (անհնազանդություն ոստիկանությանը) հոդվածներով»,- ՏԱՍՍ գործակալության փոխանցմամբ՝ ասվում է գերատեսչության հաղորդագրության մեջ:
Թբիլիսիում հինգշաբթի մեկնարկել է ԼԳԲՏ համայնքի ներկայացուցիչների իրավունքներին նվիրված շաբաթը: Միջոցառումների կազմակերպիչը «Թբիլիսի փրայդ» հասարակական կազմակերպությունն է: Առաջին օրը նվիրված է վավերագրական ֆիլմի փակ ցուցադրմանը:
Ցուցադրման վայրը գաղտնի է եղել, սակայն ավանդական արժեքների մի շարք պաշտպաններ իմացել են, որտեղ է միջոցառումը տեղի ունենալու, եկել են կինոթատրոնի մոտ և փորձել են խոչընդոտել ֆիլմի ցուցադրության անցկացմանը: Այստեղ նրանց դիմավորել են ոստիկանության աշխատակիցները: Իրավիճակը սրվել է, երբ միջոցառման հյուրերի վրա սկսել են քարեր, շշեր և ձվեր նետել:
Studio One