Իսրայելի օդուժը Գազայի հատվածում ավիահարվածներ է հասցրել «ՀԱՄԱՍ»-ի հետ փոխկապակցված խմբավորումների դիրքերին

Իսրայելի օդուժն ավիահարվածներ է հասցրել Գազայի հատվածում գործող արմատական խմբավորումների դիրքերին, ТАСС-ի փոխանցմամբ՝ հայտնել է պաղեստինյան «Saut Al-Aqsa» ռադիոկայանը:

Հաղորդվում է, որ ավիահարվածներ են հասցվել «ՀԱՄԱՍ» խմբավորման հետ առնչություններ ունեցող խմբավորումների դիրքերին՝ Գազայի հատվածի հյուսիս-արևմտյան հատվածում:

Զոհերի և վիրավորների վերաբերյալ տեղեկատվություն չի հաղորդվում:

Ավելի վաղ իսրայելական օդուժը նախորդ օրերին մի քանի անգամ թռիչքներ է կատարել Գազայի հատվածում և ավիահարվածներ հասցրել «ՀԱՄԱՍ»-ի դիրքերին:

Իսրայելի և պաղեստինյան «ՀԱՄԱՍ»-ի միջև Եգիպտոսի միջնորդությամբ հրադադար էր հաստատվել մայիսի 21-ին: