Ճապոնիայի արևմտյան շրջաններում հորդառատ տեղումների պատճառով սողանքների վտանգ կա. նահանգային իշխանությունները հրահանգել են շուրջ 140 000 բնակչի տարհանել

Ճապոնիայի արևմտյան հատվածում գտնվող Սիմանե նահանգի իշխանությունները հրահանգել են շուրջ 140 000 բնակիչների տարհանել, քանի որ հորդառատ տեղումների պատճառով սողանքների վտանգ կա, հաղորդում է ТАСС-ը:

Հաղորդվում է, որ նահանգի հյուսիսային Իձումո քաղաքում մեկ ժամում շուրջ 75 մմ անձրև է տեղացել:

Հունիսի 4-ին Ճապոնիայի կենտրոնական հատվածում սողանքների հետևանքով 5 մարդ էր մահացել, անհետ կորած է համարվում 29 մարդ: