Եղանակն՝ այսօր
ԱՄՆ-ը և Ռուսաստանը կիբերանվտանգության հարցերով բարձր մակարդակի բանակցություններ են վարում. Սպիտակ տան խոսնակ
ԱՄՆ-ը և Ռուսաստանը կիբերանվտանգության հարցերով բարձր մակարդակի բանակցություններ են վարում, որոնք շարունակվելու են նաև հաջորդ շաբաթ, ТАСС-ի փոխանցմամբ՝ հայտարարել է Սպիտակ տան խոսնակ Ջեն Փսակին:
«ԱՄՆ նախագահ Ջո Բայդենի և և Ռուսաստանի նախագահ Վլադիմիր Պուտինի հանդիպումից անմիջապես հետո բանակցություններ ենք նախաձեռնել փորձագետների մակարդակով, որոնք շարունակվում են: Սպասում են հաջորդ շաբաթ ևս մեկ հանդիպման, որի օրակարգում կլինեն վիրուսների միջոցով կատարվող կիբերհարձակումներին»,- ասել է Փսակին:
Սպիտակ տան խոսնակն ասել է, որ ամերիկյան կողմը կիբերհանցագործությունների կանխման հարցում հստակ է եղել Մոսկվային հասցեագրվող իր մեսիջներում:
«ԱՄՆ ղեկավարը նախագահ Պուտինին Ժնևի հանդիպմանը հստակ հասկացնել է տվել, որ եթե ՌԴ կառավարությունը չկարողանա կամ միջոցներ չձեռնարկի Ռուսաստանի տարածքում գործող կիբերհանցագործների դեմ, ապա մենք միջոցներ կձեռնարկենք՝ մեզ իրավունք վերապահելով քայլեր կատարել ինքնուրույն կերպով: Մեր զրույցներում, ուղիղ երկխոսությունների ժամանակ մենք հստակ ենք այս ուղերձը հղել»,- ասել է Փսակին:
Studio One