Դուբայում՝ Մերձավոր Արևելքի ամենամեծ նավահանգիստներից մեկում, ուժգին պայթյուն է տեղի ունեցել (լուսանկարներ, տեսանյութ)

ԱՄԷ-ի Դուբայ էմիրության Ջաբալ Ալի նավահանգստում ուժգին պայթյուն է որոտացել, հայտնում է Reuters լրատվական գործակալությունը՝ հղում տալով տեղի իշխանություններին և հավելում, որ հրդեհն արդեն վերահսկողության տակ է։

Պայթյունը տեղի է ունեցել նավթային տանկերում:

Դուբայի իշխանությունները նշել են, որ հրդեհը «սովորական պատահար» է եղել՝ դյուրավառ նյութեր տեղափոխող նավի վրա, ինչի պատճառը, ըստ ոստիկանության, կարող է լինել «շփումը կամ բարձր ջերմաստիճանը»։

Լրատվական գրասենյակի հայտարարության մեջ նշված է, որ զոհեր կամ վիրավորներ չկան։

Հայտնի է, որ նավահանգիստը Մերձավոր Արևելքում բեռնափոխադրումների ամենամեծ կենտրոնն է, իսկ Դուբայը՝ Արաբական Միացյալ Էմիրությունների տարածքում տարածաշրջանի առևտրի, բիզնեսի և զբոսաշրջության կենտրոնը, ինչի համար էլ նավահանգստի իշխանություններն անհրաժեշտ միջոցներ են ձեռնարկում նավերի բնականոն տեղաշարժն ապահովելու համար։

BREAKING VIDEO: Large flames witnessed from a distance after an explosion in Jebel Ali, #Dubai pic.twitter.com/6YjZt66fp1

— Insider Paper (@TheInsiderPaper) July 7, 2021