Կանադայում տորնադոյից առնվազն 8 մարդ է տուժել. բազմաթիվ տներ, շինություններ և ավտոմեքենաներ են վնասվել, ծառեր տապալվել (տեսանյութեր)

05:59 • 16.07.21

Կանադայում տորնադոյից առնվազն 8 մարդ է տուժել, ТАСС-ի փոխանցմամբ՝ հայտնում է «CTV» հեռուստաալիքը:

Հաղորդվում է, որ տորնադոն վնասել է Տորոնտոյից 115 կմ դեպի հյուսիս գտնվող Բարրի քաղաքի տասնյակ տներ: Կան տեղեկություններ առնվազն առնվազն 8 մարդու տուժելու մասին. քաղաքային իշխանությունները վստահեցրել են, որ զոհերի մասին տեղեկատվություն առկա չէ:

Տորնադոն շուռ է տվել բազմաթիվ ավտոմեքենաներ, ծառեր, արգելապատնեշներ և տարատեսակ կառույցներ տապալել: Այն ձևավորվել է Օնտարիոյում մի քանի շաբաթ առաջ շոգ եղանակի հետևանքով:

Կանադայի օդերևութաբանական ծառայությունը խորհուրդ է տալիս նախքան տորնադոյի ժամանելը զգուշացրել էր սպասվող բնական աղետի մասին: