Իտալիայում բազմահազարանոց բողոքի ակցիաներ են անցկացվել հանրային վայրեր այցելելու համար կորոնավիրուսային արտոնագրեր ներդնելու որոշման դեմ

Իտալիայում մի քանի հազար մարդու մասնակցությամբ բողոքի ակցիաներ են տեղի ունեցել մի շարք հանրային վայրեր այցելելու համար կորոնավիրուսային հատուկ արտոնագրեր ներդնելու որոշման դեմ, հաղորդում է ТАСС-ը:

Նման փաստաթղթերի առկայության դեպքում է թույլատրվելու մարդկանց մուտքը այդ թվում ռեստորաններ, թանգարաններ, մշակութային այլ հաստատություններ, մարզասրահներ, լողավազաններ, սպորտային միջոցառումների անցկացման վայրեր և այլն:

Repubblica թերթի տվյալներով՝ հավաքներին շուրջ 3000 մարդ է մասնակցել, իսկ այդպիսի ակցիաներ անցկացվել են Իտալիայի մոտ 80 քաղաքում:

Իտալիայում բնակչության ընդհանուր պատվաստումը բարձր տեմպերով է ընթացնում. մեծահասակների 2/3-ն արդեն իսկ պատվաստանյութի առաջին չափաբաժինը ստացել է: