ԱՄՆ-ում խոշոր վթար է տեղի ունեցել ավազամրրիկի պատճառով. իրար է բախվել 20 մեքենա (լուսանկարներ, տեսանյութ)

ԱՄՆ Յուտա նահանգում խոշոր ավտովթար է տեղի ունեցել ավազամրրիկով պայմանավորված վատ տեսանելիության հետևանքով: Ինչպես հաղորդում է CNN-ը, իրար է բախվել 20 տրանսպորտային միջոց:

Ավտովթարի զոհ է դարձել 7 մարդ, ևս մի քանիսը ծանր վնասվածքներ են ստացել: Նրանք հոսպիտալացվել են: Իշխանությունները չեն մասնավորեցնում` քանի մարդ է տուժել:   

Նշվում է, որ ճանապարհներին տեսանելիությունը կտրուկ նվազել է մրրիկի պատճառով: Դեպքի վայր են ժամանել Յուտայի պարեկային ծառայության աշխատակիցները: Օդային շտապօգնության ծառայությունը նույնպես միացել է փրկարարական աշխատանքին:  

Նշվում է, որ մի քանի մեքենաներից բեկորներ են շպրտվել հարակից տարածքներ: Ճանապարհը ներկա պահին փակ է:

This was the chilling scene on I-15 south of Fillmore after a sandstorm caused a 20-car pileup that killed at least six people and critically injured several others. [Video: Kym Woodward] pic.twitter.com/C8goHtF4fw

— KUTV2news (@KUTV2News) July 26, 2021