Թուրքիայի կողմից Սիրիայի հյուսիսում վերահսկվող տարածքներում գործող գրոհայինները սիրիական բանակի ավտոմեքենա են խոցել. կա մեկ զոհ, երեք վիրավոր

Սիրիայի Հալեպի նահանգի՝ Թուրքիայի վերահսկողության տակ գտնվող տարածքներում գործող գրոհայինները հարձակվել են սիրիական բանակի ավտոմեքենայի վրա, հաղորդում է ТАСС-ը:

Գրոհայինները Քասար բնակավայրից սիրիական բանակի «ЗИЛ-131» մակնիշի ավտոմեքենան խոցել են հակատանկային հրթիռով. սիրիացի մեկ զինվորական զոհվել է, երեքը՝ վիրավորվել:

Ավելի վաղ՝ հուլիսի 20-ին, Թուրքիայի վերահսկած տարածքներում գործող գրոհայինները ականանետային հարված էին հասցրել Հալեպ նահանգի Նուբբոլ բնակավայրին, որի հետևանքով կին էր մահացել: