Անկարայում անկարգություններ են. սիրիացիների վրա հարձակումների հետևանքով տասնյակ ձերբակալվածներ կան (տեսանյութեր)

Թուրքական իշխանությունները ձերբակալել են 76 մարդու՝ Անկարայի՝ մեծ թվով սիրիական բնակչություն ունեցող թաղամասի վրա կատարված զանգվածային հարձակման առնչությամբ, ինչի մասին հայտարարել է Թուրքիայի մայրաքաղաքի ոստիկանությունը:

Ինչպես նշում է Ahval-ը, ոստիկանությունը քաղաքացիներին հորդորել է «ուշադրություն չդարձնել սադրիչ լուրերին և հրապարակումներին սոցիալական ցանցերում և օգնել անվտանգության ուժերին»:

Չորեքշաբթի ամբոխը գրոհել է սիրիացիների տները և ձեռնարկությունները Անկարայի Ալթընդաղ բանվորական շրջանում, որտեղ երկու օր առաջ երկու երիտասարդ թուրք տղամարդ վիրավորվել էր տեղի թուրքերի և սիրիացիների միջև ծեծկռտուքի ժամանակ։

Չորեքշաբթի գիշեր ոստիկանները փորձել են կանգնեցնել փողոց դուրս եկած հարյուրավոր մարդկանց։ Տեսանյութերից մեկում, որը նկարահանվել է անկարգությունների ժամանակ, երևում է, թե ինչպես է սպաներից մեկն ուղղորդում ամբոխին և խորհուրդ տալիս՝ ինչպես վարվել։

Թուրքիայում փախստականների հարցի շուրջ լարվածությունը պահպանվում է արդեն մի քանի տարի, թուրքական հասարակությունը վերջերս ավելի բացահայտ է արտահայտում փախստականների և միգրացիայի դեմ տրամադրություններ, ինչպես նաև ավելի քիչ ոգևորություն է դրսևորում արտերկիր զորք ուղարկելու առնչությամբ:

Ankara #Altındağ'da polisin dün geceki kalabalığa karşı tavrı böyle görüntülendi: "Sessiz olun, parça parça hareket edin" pic.twitter.com/nYFYWtQDmo

— Yol TV (@YolTV) August 12, 2021

Feyzi bey özellikle siz izleyin.Bir paylaşımda polis engel olmaya çalışıyor ama eylemcileri durduramıyor diyorsunuz. Polis engel felan olmuyor. Devletin başka planı var belliki. Yoksa ajan Tanju ve Özdag gibiler meseleyi körüklermiydi
@acikcenk@fyzisbsrn @caglarcilara #Altındağ pic.twitter.com/JFsNc45qk7

— Gerçekler / The Truth (@GerceklerTruth) August 11, 2021