Եղանակն՝ այսօր
Թալիբները խնդրել են ՄԱԿ-ին չհեռանալ Աֆղանստանից
«Թալիբան» ծայրահեղական շարժումը խնդրել է ՄԱԿ-ին մնալ Աֆղանստանում և շարունակել հումանիտար գործունեությունը: Ինչպես հաղորդում է «Կոմերսանտ»-ը, այս մասին հայտարարել է երկրում ՄԱԿ-ի հումանիտար հարցերով համակարգող Ռամիզ Ալաքբարովը:
Վերջինս ընդգծել է, որ կազմակերպությունը հստակ պայմանավորվածություն չունի թալիբների հետ: Ալաքբարովը հայտնել է, որ ՄԱԿ-ի հումանիտար հարցերով գրասենյակի և «Թալիբանի» միջև գործնական համագործակցությունը շարունակվում է 18 տարի:
«Մենք աշխատանքային կապեր ունենք: Նրանք մեզ միշտ վստահեցնում են աջակցության մասին: Նրանք մեզ կրկին աջակցություն են հայտնել և խնդրել են շարունակել հումանիտար գործունեություն իրականացնել»,- ասել է միջազգային կազմակերպության ներկայացուցիչը:
Հիշեցնենք, որ թալիբներն ակտիվ գործողությունների են անցել Աֆղանստանից ամերիկյան զորքերի դուրսբերմանը զուգահեռ՝ օրեցօր նոր քաղաքներ գրավելով, իսկ օգոստոսի 15-ին մտել են Քաբուլ: Ժամեր անց երկրի նախագահ Աշրաֆ Ղանին հրաժարական է ներկայացրել և հեռացել երկրից:
Studio One