Տեղումների պատմական ցուցանիշ, պտտահողմ և վայրագ քամիներ. ԱՄՆ-ում «Իդա» փոթորկի զոհերի թիվը հասել է 23-ի (լուսանկարներ)
ԱՄՆ-ում առնվազն 23 մարդ, այդ թվում՝ մի երեխա է մահացել «Իդա» փոթորկի ահագնացման հետևանքով, հայտնում է nbcnewyork.com-ը՝ մանրամասնելով, որ զոհերից ինը, այդ թվում՝ երկամյա երեխան, գրանցվել է Նյու Յորքում: Մյուս 14 դին հայտնաբերվել է Նյու Ջերսիում: Երկու նահանգում էլ հայտարարվել է արտակարգ դրություն:
Աղբյուրը նշում է, որ «Իդա» փոթորիկը մեկ գիշերվա ընթացքում ավերել է երեք նահանգի տարածքը՝ գրանցելով տեղումների պատմական ցուցանիշ, առաջացնելով առնվազն մեկ պտտահողմ և վայրագ քամիներ:
«Իդա» փոթորիկը, որը վտանգավորության 4-րդ աստիճան է ստացել, Լուիզիանա նահանգին էր հասել օգոստոսի 29-ին: Ավելի քան մեկ միլիոն տնտեսություն հոսանքազրկվել է: Նախագահ Ջո Բայդենն ավելի վաղ Լուիզիանան հայտարարել էր աղետի գոտի:
![]()















