Ճապոնիայում հզոր թայֆունի հետևանքով կան վիրավորներ, 7200 տուն մնացել է առանց էլեկտրականության, երկաթուղային հաղորդակցությունը դադարեցվել է

12:24 • 18.09.21

Ճապոնիայում «Չանգսու» թայֆունի հետևանքով առնվազն հինգ մարդ է տուժել, հայտնում է Kyodo-ն: 

«Առնվազն հինգ մարդ վիրավորվել է», - հայտնում է գործակալությունը՝ վկայակոչելով իշխանությունների տվյալները:

Բացի այդ, եղանակային պայմանների վատթարացման պատճառով շատ չվերթներ չեղարկվել են, իսկ երկաթուղային հաղորդակցությունը դադարեցվել է: 

Նշվում է, որ մոտ 7,2 հազար տնային տնտեսություն մնացել է առանց էլեկտրականության:

Ավելի վաղ Ճապոնիայի օդերևութաբանական գրասենյակը զգուշացրել էր, որ երկրին է մոտենում ուժեղ թայֆուն: