ԱՄՆ-ում անհայտ անձը կրակ է բացել ֆուտբոլային հանդիպման ժամանակ (տեսանյութ)  

12:04 • 16.10.21

Ամերիկյան Ալաբամա նահանգում անհայտ անձը միջնակարգ դպրոցի ֆուտբոլային հանդիպման ժամանակ ներխուժել է Ladd-Peebles մարզադաշտ և կրակ բացել:

Ինչպես հաղորդում է Life.ru-ն, կատարվածի հետևանքով 4 մարդ վիրավորում է ստացել: Ականատեսների նկարահանած տեսանյութում երևում է, թե ինչպես են մարդիկ խուճապահար այս ու այն կողմ փախչում:

Նշվում է, որ դեպքի վայր են ժամանել արտակարգ ծառայությունները: Հրաձիգի ինքնությունը ներկա պահին պարզված չէ: Ոստիկանությունը չի բացառում, որ կասկածյալները երկուսն են եղել: Ենթադրաբար, նրանք հասցրել են մեքենայով հեռանալ դեպքի վայրից:

Տեսանյութն՝ այստեղ