Թուրքիայում 15 ենթադրյալ իսրայելական լրտեսի են ձերբակալել

16:18 • 21.10.21

Թուրքիայում անվտանգության ուժերը 15 մարդու են ձերբակալել, որոնք կասկածվում են իսրայելական հետախուզության՝ «Մոսադի» համար աշխատելու մեջ: Այս մասին հայտնում է «ՌԻԱ Նովոստի»-ն՝ հղում անելով CNN Turk-ին:

Հեռուստաալիքի տվյալներով՝ ոստիկանական գործողությունները, որոնց մասնակցել է Թուրքիայի ազգային հետախուզական կազմակերպության 200 աշխատակից, անցկացվել են 4 նահանգում: Ձերբակալվածների թվում են արաբական արմատներ ունեցող անձինք:

Ենթադրյալ լրտեսները, ինչպես հայտնում են թուրք իրավապահները, տեղեկություն են ուղարկել «Մոսադ» թուրք և արտասահմանցի ուսանողների մասին, որոնք հետագայում կկարողանային բարձր պաշտոններ ստանալ պաշտպանկան արդյունաբերության ոլորտում: