Հրվ. Կորեայում հազարավոր ցուցարարներ դուրս են եկել փողոց՝ «Կաղամարի խաղը» սերիալի հայտնի կոստյումներով (տեսանյութ)

13:07 • 22.10.21

Հարավային Կորեայում հազարավոր արհմիութենական աշխատակիցներ՝ հագնած աղմկահարույց «Կաղամարի խաղը» (The Squid Game) հեռուստասերիալի հիթային կոստյումներ, ցույց են կազմակերպել, hաղորդում է Insider-ը:

Հաղորդվում է, որ ցույցերին մասնակցել է Հարավային Կորեայի արհմիությունների կոնֆեդերացիայի մոտ 80 հազար անդամ: Նրանք գործադուլ են հայտարարել 13 քաղաքներում՝ իշխանություններից պահանջելով բարելավել ոչ կանոնավոր աշխատողների աշխատանքային պայմանները և բարձրացնել նվազագույն աշխատավարձը։

Երկրի մայրաքաղաք Սեուլում ցույցի է դուրս եկել 27 հազար մարդ: 

Հարավային Կորեայի նախագահ Մուն Չժե Ինն արհմիությունների աշխատակիցներին կոչ է արել զերծ մնալ զանգվածային ցույցերից՝ կորոնավիրուսի տարածումը կանխելու համար։