Անցք բնակարանների փոխարեն. հրապարակվել է Նաբերեժնիե Չելնիում բնակելի շենքի պայթյունի հետևանքները պատկերող տեսանյութը
Համացանցում հրապարակվել է ՌԴ կազմում ընդգրկված Թաթարստանի Նաբերեժնիե Չելնի քաղաքի բնակելի տներից մեկում տեղի ունեցած պայթյունի հետևանքները պատկերող տեսանյութը:
Ինչպես փոխանցում է Life.ru-ն, դեպքի վայրում աշխատում են արտակարգ ծառայության և ոստիկանության աշխատակիցները: Նախօրեին տեղի ունեցած պայթյունի հետևանքով վնասվել են 5 հարկանի շենքի 4-րդ և 5-րդ հարկերը:
Հրապարակված կադրերում երևում է, որ 5-րդ հարկի բնակարաններից մեկն ամբողջովին ավերվել է, իսկ ներքևի հարկի պատշգամբը փլատակների տակ է հայտնվել: Փրկարարներն արդեն վստահեցրել են, որ շենքում փլատակների տակ այլևս մարդ չկա:
Հիշեցնենք, որ վերջին տվյալների համաձայն՝ մեկ մարդ մահացել էր, մի քանիսը՝ վիրավորվել: Պայթյունի պատճառը գազի արտահոսքն է եղել:
Տեսանյութն՝ այստեղ










