«Կարող է պատահել, որ «բայրաքթարները» սկսեն ընկնել ինչպես պարզ երկնքից աստղերը, իսկ զրահամեքենաները մոմի պես վառվեն». Սատանովսկին՝ Սիրիայում Թուրքիայի հնարավոր ռազմական գործողության մասին

21:28 • 29.10.21

Ռուս քաղաքագետ, «Մերձավոր Արևելքի ինստիտուտ» հետազոտական կենտրոնի նախագահ Եվգենի Սատանովսկին անդրադարձել է Սիրիայում թուրքական գործոնին՝ հիշեցնելով, որ Թուրքիային Սիրիա ոչ ոք չի հրավիրել, գրում է svpressa.ru-ն:

«Սա ներխուժում է, սա ագրեսիա է, սա էքսպանսիա է. դուք կարող եք ընտրել ցանկացած հոմանիշ, որը ցանկանում եք: Նույնը վերաբերում է գրեթե բոլոր երկրներին, որոնք այնտեղ ռազմական ներկայություն ունեն, ներառյալ Միացյալ Նահանգները: Սիրիական ղեկավարությունից հրավեր է ուղարկվել Ռուսաստանին և Իրանին, իսկ մնացած զինվորականները գտնվում են սիրիական տարածքում բացարձակապես անօրինական», - մեկնաբանել է նա լրատվամիջոցների հաղորդագրություններն այն մասին, որ թուրքական բանակը պատրաստվում է գործողությունների Իդլիբի հյուսիս-արևմուտքում և Սիրիայի հյուսիս-արևելքում։

Թե ինչ կանի Ռուսաստանի ղեկավարությունը, եթե Թուրքիան ագրեսիա դրսևորի, կախված է այս երկրի հետ հարաբերություններում Մոսկվայի ունեցած կոնկրետ «հարց ու պատասխանների», ասել է Սատանովսկին։

«Իսկ Ռուսաստանի ու Թուրքիայի միջև չափազանց բարդ քաղաքականություն է»,- ընդգծել է նա։

Միաժամանակ, Եվգենի Սատանովսկին լիովին ընդունում է, որ ռուսական բանակի կողմից վերապատրաստված սիրիական զորքերը, ինչպես նաև քրդերը, որոնց Թուրքիան պատրաստվում է պատժել, կարող են լուրջ հարվածներ հասցնել Թուրքիային։

«Կարող է պատահել, որ թուրքական «բայրաքթարները» պարզ երկնքից աստղերի պես սկսեն ընկնել, իսկ զրահամեքենաները մոմի պես վառվեն։ Ի դեպ, այն արդեն վառվում է, երբ հանդիպում է քուրդ փեշմերգաներին, պարզապես այն պատճառով, որ տանկերը, էլ չասած զրահափոխադրիչներն ու ջիպերը, չեն կարող դիմակայել ռուսական «կորնետների» ազդեցությանը, որոնց քանակն ավելի քան բավարար է Մերձավոր Արևելքում»,- պարզաբանում է քաղաքագետը։

Նա ընդգծել է, որ հարվածները կարող են հետ մղել ոչ միայն Ռուսաստանի օդատիեզերական ուժերը:

«Այստեղ բավականաչափ Սիրիայի Հանրապետության ցամաքային ուժերը, ինչպես նաև քրդերը կան։ Այլ բան, որ եթե թուրքական օդուժը փորձի զանգվածային հարվածներ հասցնել սիրիական զորքերին և քրդերին, ապա միանգամայն հնարավոր է, որ ռուսական օդատիեզերական ուժերը կանգնեցնեն նրանց ճանապարհին։ Եվ դրա համար կան բոլոր հնարավորություններն ու լիազորությունները»,- ամփոփել է Սատանովսկին։