Համացանցում հայտնվել է Բասաևի հանցախմբի՝ հոգեբուժարանից փախած անդամի ձերբակալության տեսանյութը

12:48 • 03.11.21

Համացանցում հրապարակվել է Շամիլ Բասաևի հանցախմբի անդամ Մագոմեդ Ալխանովի ձերբակալության տեսանյութը, որը մեկ շաբաթ առաջ փախել էր Աստրախանի հոգեբուժարանից, գրում է «ՌԻԱ Նովոստի»-ն։ 

Կադրերում երևում է, որ անվտանգության աշխատակիցներից մեկը բռնել է  տղամարդու մազերից։ Ձերբակալությունից հետո նա ուղարկվել է քննչական մեկուսարան։

Հոկտեմբերի 26-ին Ալխանովը փախել է Աստրախանի հոգեբուժարանի բաժանմունքից։

Գործակալության աղբյուրը պարզաբանել է, որ հանցագործն արդեն տասը տարվա պատիժ է կրել ավազակային հարձակման համար, իսկ հետո քննիչները հաստատել են նրա մասնակցությունը Պսկովի դեսանտայինների վրա հարձակմանը՝ Բասաևի ավազակախմբի կազմում։ Տղամարդը հունիսին բերման է ենթարկվել Ստավրոպոլի երկրամասում, իսկ հոգեբուժական փորձաքննության համար բերվել է Աստրախան։

Փախուստից հետո գրոհայինի նկատմամբ հայտարարվել է դաշնային հետախուզում։ Նախօրեին նրան բռնել էին շրջկենտրոնի Տրուսովսկի թաղամասի սրճարանում։ Հաստատության այցելուները նկատել են հետախուզվողին արտաքնապես նման անհայտ անձի և դիմել ուժայիններին։