Rise Shine բեռնանավը հայտնվել է ծանծաղուտում՝ Ճապոնական ծովում. ՌԴ ԱԻՆ-ը սկսել է անձնակազմի տարհանումը (տեսանյութ)

10:20 • 09.11.21

Ճապոնական ծովում Rise Shine բեռնանավը ծանծաղուտում է հայտնվել Ռուսաստանի Պրիմորիեի երկրամասի Նախոդկա քաղաքի մոտակայքում:

Ինչպես հաղորդում է «ՌԻԱ Նովոստի»-ն, փրկարարներն արդեն օգնության են ժամանել: ՌԴ ԱԻՆ Մի-8 ուղղաթիռը մոտեցել է դեպքի վայրին, և սկսվել է նավի անձնակազմի տարհանումը: Պանամայի դրոշով երթևեկող նավում 14 մարդ կա:  

Գործակալությունը նաև տեսանյութ է հրապարակել դեպքի վայրից: Անձնակազմի անդամների կյանքին ոչինչ չի սպառնում: