Մոսկվայում անհետացել է ԽՍՀՄ-ում առաջին McDonald's-ը բացած գործարարի որդին  

16:30 • 09.11.21

Մոսկվայում անհետացել է Տիմուր Խասբուլատովը՝ ԽՍՀՄ տարածքում առաջին McDonald's-ը բացած գործարար Խամզաթ Խասբուլատովի որդին: Այս մասին հայտնում է ՏԱՍՍ գործակալությունը՝ վկայակոչելով իրավապահ մարմինների աղբյուրին:

«Նախօրեին երեկոյան ոստիկանություն է դիմել 39-ամյա Խասբուլատովի մայրը: Կինը հայտնել է, որ որդին զբոսնել է կնոջ հետ, նրանք իրենց երեխայի հետ միասին են բնակվում Կոմսոմոլսկի պողոտայի տանը, ինչից հետո տղան գնացել է և չի վերադարձել»,- հայտնում է գործակալության զրուցակիցը:

Մայրը նշել է, որ որդին վերջին անգամ կապի է դուրս եկել սեպտեմբերի 30-ին:

Գործով ստուգումներ են իրականացվում: Աղբյուրի փոխանցմամբ՝ Տիմուր Խասբուլատովը նախկին արդեն հեռացել է տնից: Այն ժամանակ նրան գտել էր ոստիկանությունը:

Խամզաթ Խասբուլատովը 1990 թվականին Մոսկվայի Պուշկինի հրապարակում բացել է ԽՍՀՄ-ում առաջին McDonald's–ը: Գործարարը մինչև 2018 թվականը եղել է Ռուսաստանում McDonald's-ի ղեկավարը: