Արցախի Կարմիր Շուկա գյուղից 3-5 կմ հեռավորության վրա մի քանի րոպե կրակոցների ձայներ են լսվել․ Մարտունի շրջվարչակազմի ղեկավարի օգնական

14:45 • 02.12.21

Այսօր կեսօրից առաջ Արցախի Կարմիր Շուկա գյուղում կրակոցների ձայներ են լսվել մի քանի րոպե։ Այս մասին Tert.am-ի հետ զրույցում ասաց Արցախի շրջվարչակազմի ղեկավարի օգնական Արտակ Սաղյանը։

Նրա տեղեկացմամբ՝ կրակոցները եղել են Կարմիր Շուկայից 3-5 կմ հեռավորության վրա։ «Կրակոցներ պարբերաբար են լսվում, անհանգստանալու որևէ պատճառ չկա»,-ասաց նա։

Հիշեցնենք, որ այսօր ավելի վաղ տեղեկություններ էին տարածվել, որ հակառակորդը կրակել է Կարմիր Շուկա գյուղի ուղղությամբ։