ԱՄՆ-ն ողջունում է Բրյուսելում Հայաստանի և Ադրբեջանի ղեկավարների միջև կայացած բանակցությունները. Պետքարտուղարություն

11:27 • 17.12.21

Միացյալ Նահանգները ողջունել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև Բրյուսելում կայացած բանակցությունները: Այս մասին իր թվիթերյան էջում հայտնել է ԱՄՆ Պետքարտուղարության խոսնակ Նեդ Փրայսը:

«ԱՄՆ-ն ողջունում է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև Բրյուսելում կայացած վերջին հանդիպումները: Մենք խորապես աջակցում ենք հետագա անմիջական շփումներին, որոնք ուղղված կլինեն տարածաշրջանում խաղաղություն հաստատելուն»,- ասվում է Պետքարտուղարության խոսնակի հաղորդագրության մեջ: