Ուկրաինայի նախագահի աշխատակազմի ղեկավարը հայտարարել է, որ Ուկրաինան «Բայրաքթար TB2» ԱԹՍ-ների արտադրություն է սկսել

16:14 • 27.12.21

Ուկրաինայի նախագահ Վլադիմիր Զելենսկիի աշխատակազմի ղեկավար Անդրեյ Երմակը նշելով, որ Ուկրաինայի կառավարությունն իր արևմտյան դաշնակիցների հետ ռազմական օգնության հսկայական ծրագիր է մշակել, հայտնել է, որ  իրենք Թուրքական «Բայրաքթար TB2» ԱԹՍ-ների արտադրություն է սկսել:

Ինչպես հաղորդում է «Արմենպրես»-ը, թուրքական gunes.com-ի փոխանցմամբ՝ Երմաքն այս մասին ասել է Focus-ին:

Նրա փոխանցմամբ՝ Ուկրաինան Միացյալ Թագավորության հետ 2,2 միլիարդ դոլարի ռազմածովային  ծրագիր է իրականացնում, իսկ Ֆրանսիայի հետ իրականացվող նմանատիպ ծրագրի ծավալը հասնում է 1,3 միլիարդ եվրոյի։