Լրագրողները լքել են Մակրոնի մամուլի ասուլիսը Ստրասբուրգում՝ ի նշան բողոքի (տեսանյութ)
Եվրոպացի լրագրողները հեռացել են սրահից, որտեղ պետք է տեղի ունենար Ֆրանսիայի նախագահ Էմանուել Մակրոնի մամուլի ասուլիսը Եվրախորհրդարանում: Այս մասին հայտնում է Известия-ն՝ նշելով, որ լրագրողներն այդպես իրենց բողոքն են հայտնել հարցեր տալու անհնարինության դեմ:
Չորեքշաբթի Մակրոնը ելույթով հանդես է եկել Եվրախորհրդարանում՝ ներկայացնելով ԵՄ-ում Ֆրանսիայի նախագահության առաջնահերթություններն առաջիկա կես տարում: Նրա ելույթից հետո պետք է ասուլիս կայանար, սակայն, ինչպես ավելի ուշ պարզվել էր, ասուլիսի ժամանակ ֆրանսիացի առաջնորդին հարցեր տալու հնարավորություն նախատեսված չէ:
Ի նշան բողոքի՝ եվրոպացի լրագրողները լքել են դահլիճը, նախքան ասուլիսի մեկնարկը:
Մակրոնը, մեկնաբանելով իրավիճակը, նշել է, որ դեկտեմբերին արդեն պատասխանել է Եվրամիությունում Ֆրանսիայի նախագահության մասին լրագրողների հարցերին:
EU journalists walking out of a Macron - Metsola press conference which will take no questions from the media pic.twitter.com/LcwcJSdK2C
— Mehreen (@MehreenKhn) January 19, 2022
Emmanuel Macron hué lors de son arrivée au Parlement européen pic.twitter.com/gtMv2pLRzu
— CNEWS (@CNEWS) January 19, 2022










