Սանկտ Պետերբուրգում տեսագրել են՝ ինչպես է «սարդ-մարդը» կողոպտում Ելիսեյ կատվին (տեսանյութ)
Ռուսաստանի հյուսիսային մայրաքաղաքում «Սարդ-մարդը» կողոպտել է Ելիսեյ կատվին: Այս մասին հայտնում է Life.ru-ն՝ հղում անելով Սանկտ Պետերբուրգի տեղական հեռուստաալիքին:
Հրապարակված կադրերում երևում է, թե ինչպես է անհայտ տղամարդը հմտորեն բարձրանում շենքի աստիճաններով՝ հասնելով պատին ամրացված քանդակին, որից հետո հավաքում է արձանի շուրջ թափված մանրադրամներն ու նույն ճանապարհով հեռանում դեպքի վայրից:
«Սարդ-մարդուն» անցորդներից ոչ ոք ուշադրություն չի դարձնում: Սակայն նրան արդեն ձերբակալել են:
Ելիսեյ և Վասիլիսա անունով կատուների բրոնզե քանդակները մեծ հանրաճանաչություն են վայելում քաղաքի բնակիչների և հյուրերի շրջանում: Մարդիկ հավատում են, որ այն մարդը, որին կհաջողվի մետաղադրամ նետել այդ պատվանդանին, ապա հաջողության կհասնի իր բոլոր գործերում:
Տեսանյութն՝ այստեղ










