Մինչև 133 սմ հաստությամբ ձյուն. Ճապոնիայում ձյան ռեկորդային տեղումներ են գրանցվել (լուսանկարներ, տեսանյութ)

15:58 • 08.02.22

Ճապոնիայում ձյան ուժեղ տեղումներ են գրանցվել. երկրի որոշ շրջաններում ռեկորդային քանակությամբ ձյուն է տեղացել:

Ինչպես փոխանցում է Корреспондент-ը, Ճապոնական օդերևութաբանական գործակալությունը հայտնել է, որ ձյան տեղումները պայմանավորված են ձմեռային ճնշման և սառը օդային զանգվածների համադրությամբ:

Ռեկորդային տեղումներ են գրանցվել Տիգա պրեֆեկտուրայի Մայբարա քաղաքում, որտեղ մեկ օրում 62 սմ ձյուն է նստել, և Հոկայդո կղզու Սապորո քաղաքում, որտեղ ձյան շերտի հաստությունը կազմել է 60 սմ:

Ընդհանուր առմամբ, Սապորույմ նստած ձյան հաստությունը կազմել է 133 սմ: Գնացքների երթևեկությունը կասեցվել է: Սեկիգահարայում ձյան շերտի հաստությունը երկու օրում հասել է 98 սմ-ի, որը նույնպես ռեկորդային ցուցանիշ է: