Ուկրաինայում ԱՄՆ դեսպանատունը կարող է Կիևից արևմուտք տեղափոխվել
Կիևում ԱՄՆ դեսպանատունը կարող է տեղափոխվել Ուկրաինայի արևմուտք՝ «Ռուսաստանի հնարավոր հարձակման» դեպքում: Այս մասին գրում է BuzzFeed պարբերականը՝ հղում անելով իր աղբյուրին:
Աղբյուրը հայտնում է, որ դիվանագիտական ներկայացուցչությունը դեռ վերջնական որոշում չի կայացրել, սակայն այդ հարցն ակտիվորեն քննարկվում է:
ԱՄՆ Պետքարտուղարությունից այդ տեղեկությունը չեն հաստատել և չեն հերքել՝ հայտարարելով, որ դեռևս պատրաստ չեն որևէ հայտարարություն անել այդ հարցով:










