ՄԱԿ-ի Գլխավոր ասամբլեան սկսել է Ուկրաինայի հարցով արտահերթ նստաշրջանը. վերջին անգամ արտահերթ նստաշրջան գումարվել էր 1997-ին

19:19 • 28.02.22

Երկուշաբթի օրը Նյու Յորքում բացվել է Ուկրաինայի հարցով ՄԱԿ-ի Գլխավոր ասամբլեայի հատուկ նստաշրջանը, հայտնում է ՏԱՍՍ գործակալությունը՝ միևնույն ժամանակ նշելով, որ ՄԱԿ-ի գոյության ընթացքում տասը անգամ է գումարվել արտահերթ նստաշրջաններ:

Արտահերթ նստաշրջանը գումարվել է ԱՄՆ-ի և Ալբանիայի նախաձեռնությամբ։

Վերջին արտահերթ նստաշրջանը ՄԱԿ-ի Գլխավոր ասամբլեայում գումարվել է 1997 թվականին՝ կապված օկուպացված պաղեստինյան տարածքներում տիրող իրավիճակի հետ։

Արտահերթ նստաշրջանը կարող է անսահմանափակ թվով նիստեր անցկացնել, իսկ աշխատանքը կարող է շարունակվել մի քանի տարի։

Աղբյուրի հաղորդմամբ՝ արտահերթ նստաշրջանում բանաձև կներկայացվի Ուկրաինայում տիրող իրավիճակի վերաբերյալ։