Շոյգուն Ուկրաինայում տիրող իրավիճակը քննարկել է Թուրքիայի պաշտպանության նախարարի հետ

16:53 • 01.03.22

ՌԴ ՊՆ ղեկավար Սերգեյ Շոյգուն Ուկրաինայում տիրող իրավիճակը հեռախոսով քննարկել է Թուրքիայի պաշտպանության նախարարի հետ։ Այս մասին գրում է ՏԱՍՍ-ը:

Ավելի վաղ նաբ հայտարարել էր, որ ռուսական բանակը կշարունակի հատուկ օպերացիան Ուկրաինայում, ընդհուպ մինչև առաջադրված նպատակներին հասնելը։ 

«ՌԴ ԶՈՒ-ն կշարունակի հատուկ ռազմական գործողությունները՝ մինչև առաջադրված նպատակներին հասնելը»,- ասել է Շոյգուն սելեկտորային խորհրդակցության ժամանակ։

Նա նաև նշել է, որ Ուկրաինայում հատուկ օպերացիայի գլխավոր նպատակը ՌԴ պաշտպանությունն է Արևմուտքի ռազմական սպառնալիքից։ Շոյգուն  ընդգծել է, որ արևմտյան երկրները ՌԴ դեմ պայքարում փորձում են օգտագործել ուկրաինացի ժողովրդին։

Հիշեցնենք, որ փետրվարի 24-ի առավոտյան ՌԴ նախագահ Վլադիմիր Պուտինը հայտարարել էր Ուկրաինայի ապառազմականացման համար հատուկ ռազմական գործողություն սկսելու մասին։

Հեռուստաուղերձում նա ասել էր, որ հանգամանքները «մեզնից պահանջում են վճռական և անհապաղ գործողություններ, Դոնբասի ժողովրդական հանրապետությունները օգնության խնդրանքով դիմել են Ռուսաստանին»։

Ռուսաստանի ղեկավարի խոսքով, արյունահեղության ողջ պատասխանատվությունը կլինի Ուկրաինայում իշխող ռեժիմի խղճի վրա։ Նա ուկրաինացի զինվորականներին կոչ է արել չկատարել ուկրաինական իշխանությունների հանցավոր հրամանները, վայր դնել զենքերն ու գնալ տուն։